Senam Dadi Sarana Efektif Nepungke Objek Wisata Anyar

oleh -93 Dilihat
RAME: Sakliyane senam, warga banjur bukak dhasar dodolan sakwernane panganan utawa hasil kerajinan sing ana ing kiwa tengeni papan iki. (ist)

JogloMataram.Com – Sakwise pageblug covid-19 mendha, maneka kegiyatan regeng maneh. Semono uga ing papan-papan pariwisata sing ana ing kukuban Kabupaten Sleman.

“Ora mung sing wis ana sakdurunge, papan wisata sing anyar utawa rintisan akeh sing muncul. Salah sijine ing papan wisata Kali Klangsi, Kalurahan Margodadi, Seyegan, Sleman ini,” ngendikane Sekda Kabupaten Sleman, Harda Kiswaya ing dina Ngaat (11/6).

Pangandikan ing saselane senam, Harda Kiswaya ngendika kanggo nepungke objek wisata air sing lagi dibuka ing wulan Januari kepungkur, warga sinengkuyung organisasi Instruktur Senam Sleman, Pancawati banjur nggelar senam massal.

PAWARTOS LIYANE: Nguri-uri Budaya, Pemkab Sleman Nganakake Festival Bregada Prajurit

Manut ngendikane Harda Kiswaya, senam massal iku cara paling gampang kanggo ngumpulake warga. Mula, senajan dianaake ing padesan, sing kacathet nganti kliwat saka sewu wong. “Ora mung seko Margodadi dhewe, nanging uga seka desa-desa lan malah kapanewon liyane uga ngregengake senam ini,” ujare Harda Kiswaya.

Sakliyane senam, warga banjur bukak dhasar dodolan sakwernane panganan utawa hasil kerajinan sing ana ing kiwa tengeni papan iki.

Kanthi mangkono, sing padha rawuh ing pasenaman arep crita apike papan sing kanggo senam sing mujudake papan wisata, lan uga crita produk warga kono. “Iki dadi cara promosi, kulak warta adol rungon utawa promosi dadi mulut ke mulut,” kandhane Harda Kiswaya.

PAWARTOS LIYANE: Aksara Ha Na Ca Ra Ka, Tradhisi Pesantren sing Ilang

Pimpinan Kelompok Instruktur Senam Pancawati, Ning Awantur  ngendika, para instruktur senam ini duwe tekad sakliyane ngajak olahraga sing entheng, gampang tur sehat, uga nepungke objek-objek wisata ing Sleman sing durung kondhang.

“Kanthi cara ini, maneka objek wisata sing anyar bisa dingerteni. Wong saka ngendi-endi ngerti produk UMKM ing kono,” mangkono ngendikane mBak Ning.

Malah ing wektu iku, uga dianaake donor darah, sing kekarepanne kanggo mbiyantu PMI Sleman nikelake pasadiyan getih. (*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *