Kelompok Relawan Patang Kalurahan Kumpul ing Kasihan, mBahas Wigati Iki

oleh -104 Dilihat
oleh
KAMANUNGSAN: Kelompok relawan dikarepke mengkone iso dadi kekuatan utama ono ing wilayah kalurahan lan sak dhuwure (ardian/jmc)

JogloMataram.Com – Kanggo mratelake wujud kasiapan relawan Kabupaten Bantul, dina Senin (12/06/2023) wanci tabuh 19.30 ing pendopo kapanewon Kasihan dilaksanake kumpulan kelompok relawan ing patang kalurahan.

Yaiku Kalurahan Bangunjiwo, Kalurahan Tamantirto, Kalurahan Tirtonirmolo, lan Kalurahan Ngestiharjo.

Kumpulan iki ugo ditekani karo forkopinda Kapanewon yaiku komadan koramil Kasihan, pengurus FPRB Kab. Bantul, BPBD DIY

Sing mandegani acara iki Panewu Kasihan Subarta, SSos MSi duweni maksut kekarepan salah sijine supoyo mengko relawan ing kalurahan iso duweni wadah kanggo mbagi ketugasan rikolo ono beboyo kang ngancik ono ing wilayah kapanewon.

PAWARTOS LIYANE: Kustini Sri Purnomo mBukak Festival Upacara Adat Tingkat Kabupaten

Ing kabupaten Bantul wes ono wadah kelompok relawan sing kasebut Forum Pengurangan Risiko Bencana (FPRB), kasebar ono ing pitulas Kapanewon jangkep pitungpuluhlimo kalurahan.

Relawan iku wes dibekali ngelmu sing ono sesambungan karo babagan bencana, koyoto gladen dapur umum, gladen mateni geni kang gawe kobongan, gladen tetulung rikolo ciloko lan sakpanunggale.

“Kelompok relawan dikarepke mengkone iso dadi kekuatan  utama ono ing wilayah kalurahan lan sak dhuwure, yaiku wilayah kapanewon,” ngono kandhane Waljito SH kang paring ular-ular pambuko acara seko wakil FPRB Kabupaten Bantul.

Sakbanjure Panewu ugo paring pangandikan menowo relawan iki  diperloke kanggo mbiyantu pemerintah rikolo pas onone bencana.

PAWARTOS LIYANE: Aiptu Mujito Pamitan Dumateng Warga Condongcatur, Ana Apa?

Bekal  wes ono pengurus FPRB Kapanewon iki  dadi dasar mengkone iso digawe kegiatan acara gladen kang wujut simulasi bencana ing wilayah kapanewon Kasihan.

Pungkasan acara dipaparke seko BPBD DIY babagan nyiasati ngadeke posko bencana ing wilayah kalurahan lan kapanewon.

Dijabarke supoyo duweni gambaran kepiye   sing kudu disiapke  lan dilakoni kelompok relawan rikolo sakdurunge ono bencana, pas ono bencana lan sakbanjure wektu dandan-dandan bubar bencana. (*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *