Ngelmu Saka Qatar, DIY Perlu Mbangun Jaringan Museum

oleh -76 Dilihat
SINAU: Tamu saka Qatar nalika sowan Gubernur DIY. (pawarta pemda diy))

JogloMataram.com – Qatar, nagara cilik kang sakawit nyandhang status miskin karana rakyate akeh sing urip kesrakat ing wektu iki malik grembyang dadi nagara sugih, maju lan sarwa makmur.

Ora mung mligi babagan ekonomi, salah sawijine nagara ing tlatah Timur Tengah iki uga misuwur karana nduweni maneka rupa museum.

Ya iki kasempatan kanggo Daerah Istimewa Yogyakarta (DIY) sabisane luru ngelmu lan ngangsu kawruh bab museum saka nagara kasebut.

“Iki kasempatan kanggone DIY sinau marang Qatar,” ngendikane Agus Priono, Kepala Dinas Perizinan dan Penanaman Modal (DPPM) DIY, Rebo (7/6/2023), ing Gedhong Wilis Kepatihan Yogyakarta.

Sarampunge ngayahi tugas ndhampingi Gubernur DIY Sri Sultan Hamengku Buwono X nalika nampi tamu pakurmatan yaiku Wakil Perdana Menteri utawa Menteri Negara Qatar, Hamad bin Abdulaziz Al-Kuwari lan Duta Besar (Dubes) Qatar ing Indonesia Fawziya Edrees Salman Al-Sulaiti, Agus mbacutake katerangane yen Hamad Al-Kuwari sadurunge tau njabat Mentri Kabudayan Qatar sarta Direktur Museum Nasional Qatar.

PAWARTOS LIYANE: 50 Wong Gunungkidul Diajari Carane Nulungi Wong Klelep

“Qatar nduwe pengalamane akeh ing bab museum,” kandhane Agus marang wartawan. Kajaba nyarujuki programe Pemda DIY kang ngajokake Sumbu Filosofi dadi Warisan Budaya Dunia, Qatar uga nyanggupi bakal sakuate ndukung usulan kasebut.

Nambahi katerangane Agus, Kepala Dinas Kebudayaan (Kundha Kabudayan) DIY, Dian Lakshmi Pratiwi, mbenerake yen wis ana rencana mbahas bab siji kuwi kanthi luwih intens.

Kabeneran ing DIY udakara ana 40-50 museum, kepriye bisa kabentuk jaringan antarane Yogyakarta lan Qatar. Konsep kerja sama sing lagi dirancang ing antarane saben-saben pengunjung museum Qatar otomatis nampa samubarang informasi babagan museum ing Yogyakarta.

PAWARTOS LIYANE: Forpi Nyawisake Papan Pisambat lan Katrangan Bab PPDB

Miturut Dian, kunjungan tamu saka pamarentah Qatar kuwi nuduhake yen Yogyakarta kaanggep minangka bagean penting nagara kuwi karana nduweni komitmen nguri-uri budhaya lan seni, saengga dipilih kanggo papan ngadani event Qatar-Indonesia Year of Culture 2023.

Ana ing kasempatan iku uga dirembug usulan ngembangake Yogyakarta Cultural Center. Dinas Kebudayaan DIY lagi ngrancang detaile rencana kuwi kanthi prasaja. (*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *