Bantul Mamerake Kuliner Istimewa lan Kesenian Mataraman ing TMII Jakarta

oleh -163 Dilihat
tari khas mataram
Bantul Mamerake Kuliner Istimewa lan Kesenian Mataraman ing TMII Jakarta. (Foto: Pemkab Bantul)

JogloMataram.Com – Dinas Pariwisata lan Dinas KUKMPP Kabupaten Bantul mboyong kuliner khas Bumi Projotamansari menyang Taman Mini Indonesia Indah (TMII) Jakarta. Paling ora 500 porsi sate klathak lan jajanan khas Bantul kayata mi lethek, mie pentil, pecel kembang turi, geplak, lemper, adrem lan kipo digawa menyang ibu kota.

Ing papan iki, kuliner lan jajanan khas Bantul bisa dinikmati kanthi gratis dening para wisatawan sing dolan menyang pendopo Daerah Istimewa Yogyakarta TMII Jakarta.

PAWARTOS LIYANE: Dimas Diajeng Jogja 2023 Dielingke Bisa Nggawa Jeneng Ngayogyakarta

Sesaji menika kalebet program pesona Budaya Nusantara 2023 ingkang dipun wiwiti Dinas Kebudayaan Kabupaten Bantul. Adicara menika dipun wontenaken wiwit dinten Jum’at, 16 Juni 2023, dipunwiwiti kanthi sambutan kontingen saking Kabupaten Bantul. Dina Setu awan tanggal 17 Juni 2023 bakal diisi festival kuliner Mataraman lan bazar UMKM.

Bengine pentas kesenian ing pendopo DIY TMII Jakarta. Pagelaran Panembrama, beksan Srimpi Padelori, Pethilan Marmaya Marmadi, lan Langen Mandra Wanara, bisa gawe seneng penonton sing padha teka lan nggawa swasana Kaistimewaan Yogyakarta ing ibu kota.

PAWARTOS LIYANE: Festival Panahan Tradisional Yogyakarta, Acara Unik kanthi Gaya lan Busana Adat Nuswantara

Bupati Bantul Abdul Halim Muslih ngaturaken agunging panuwun dhumateng sedaya kontingen ingkang sampun nyuguhaken karya ingkang sae wonten ing pagelaran menika. Dheweke ngarep-arep kegiatan iki bisa dadi sarana promosi pariwisata, industri kreatif, lan potensi UMKM ing Kabupaten Bantul.

“Supaya mengko bisa dadi pengungkit ekonomi lan kasejahteraan masyarakat Kabupaten Bantul,” kandhane ing seratan kang diwaca Sekda Agus Budiraharja.

Wakil Gubernur DIY, KGPAA Paku Alam X ingkang rawuh makili gubernur ing kalodhangan punika ugi gadhah pangajeng-ajeng supados adicara Pesona Budaya Nasional 2023 saged ndadosaken sumbangsih ingkang positif dhateng Kabupaten Bantul mliginipun ing babagan kabudayan, pariwisata lan industri kreatif. (*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *