Pangarsatama Polisi Asia Kidul Wetan Rembugan Tindak Culika Transnasional

oleh -104 Dilihat
Kapolri Jenderal Pol. Listyo Sigit Prabowo
Patemon Pangarsatama Polisi Tenggara

JogloMataram.Com – Para pangarsatama polisi saka negara-negara Asia Kidul Wetan kang nDuweni Jejibahan Ngenani Tindak Culika Transnasional utawa ASEAN Senior Official Meeting on Transnasional Meeting (SOMTC), nganaake patemon ing salah sijine hotel ing Sleman. Patemon ing taun iki, dadi patemon kaping 23.

Patemon iku kabuka dening Kapolri Jenderal Pol. Listyo Sigit Prabowo.

Ing saselane acara itu, Kapolri marang para juru warta ngendika ASEAN SOMTC iku kanggo ngrembug carane brastha tindak culika transnasional.

“Ing patemon iki para pangarsatama polisi padha rembugan kepriye carane bebarengan brastha anane tindak culika para durjana kang asring pindhah-pindhah negara,” ngendikane Jenderal Pol. Listyo Sigit Prabowo.

Manut Kapolri, ana tindak culika transnasional kang antuk kawigaten mirunggan ing ASEAN, yaiku terorisme, narkotika lan TPPO utawa tindak pidana perdagangan orang.

PAWARTOS LIYANE: Lanud Adisutjipto Nganaake Gladhi Nangani Kobongan

Ing pamungkase patemon samengkone, para pangarsa polisi arep tapak asma asile pirembugan. Tapak asman kasebut arep dianaake ing papan wisata Labuhan bajo.

Kanthi anane prejanjen iku, samengkone kupiyane para polisi ing kukuban ASEAN bakal luwih gampang lan luwih cepet yen ana durjana transnasional sing mlayu ana negara liya. “Njalari, anggone ngrangket para durjana iku luwih gampang lan luwih cepet,” ngendikane Kapolri.

Ing acara kasebut, uga rawuh Kabareskrim Komjen Pol. Agus Andrianto, Kadivhubinter Irjen Pol. Krisha Murti, para utusan bebadan polisi ASEAN lan utusan saka pamitrane ASEAN. (*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *