Donokerto Mengeti Ambal Warsa Kaping 75

oleh -222 Dilihat
Bregada Kali Pule
Bregada Kali Pule saka Pules Kidul melu kirab kanggo mengeti 75 taun Kalurahan Donokerto

JogloMataram.Com – Salah sijine kalurahan ing Kapanewon Turi, yaiku Kalurahan Donokerto ing dina Setu (24/6) mengeti ambal warsa sing kaping 75 kanthi nganaake Kirab lan Gelar Potensi Budaya.

Kirab budaya kawiwitan saka patang arah, kanggo ngelingake menawa Kalurahan Donokerto iku kadaden saka 4 kalurahan ing jaman kepungkur.

Sa durunge, ana patang kalurahan, yaiku Kalurahan Karanganyar, Kalurahan Kembangarum Kalurahan Dukuh lan Kalurahan Kenaruhan.

Kalurahan cacah papat iki adhedhasar Maklumat Daerah Istimewa Yogyakarta ing taun 1946 dilebur dadi siji terus dijenengi Kalurahan Donokerto.

PAWARTOS LIYANE: Pagelaran Kraton Ngayogyakarta, Panca Gana Sarira Tunggal

Pranatan awujud maklumat iku dikukuhake nganggo Maklumat Pemerintah Daerah Istimewa angka 5 taun 1948 sing ngatur owah-owahan bab kalurahan ing Daerah Istimewa Yogyakarta.

Dene Kirab lan Gelar Potensi sing mapan ing Lapangan Turi iki dirawuhi Bupati Sleman Kustini Sri Purnomo, Sekda Kabupaten Sleman, Harda Kiswaya, Wakil Ketua DPRD Kabupaten Sleman Sukaptana. Malah Mantu Dalem Sri Sultan Hamengku Buwono X, KPH Yudanegara uga rawuh ing adicara iki.

Bupati Sleman paring pesen marang warga Donokerto, Kirab lan Gelar Potensi iki bisa kanggo ngraketake paseduluran ing antarane warga.

“Aku rumangsa seneng, dene ing acara iki, akeh cah-cah enom sing nyengkuyung lan temandang gawe. Cah-cah enom iki dadi kekuatan lan pawongan sing arep nglestareake tradhisi lan budaya ing Donokerto iki,” ngendikane Bupati.

Lurah Donokerto Raden Waluyo Jati ngendika yen sa liaye Kirab lan Gelar Potensi Budaya, uga dianaake aksi donor darah, senam lan pemeriksaan kesehatan. “Uga ana bazar UMKM,” ngendikane Lurah Raden Waluyo Jati.

PAWARTOS LIYANE: Ngingu Asu Tetep Kudu Ngati-ati

Pepinginane, Kalurahan Donorkerto ing mengkone dadi Desa Mandiri Budaya.

Salah sijine warga Donokerto, Utami Budiarti kang uga Pengelola Desa Wisata Dewi Pinang, Pules Kidul, ngendikaake, warga Donokerto sarujuk karo pepinginanne Lurah Raden Waluyo Jati.

Mulane warga Pules Kidul sa liyane mbangun desa wisata uga nduwe bregada kanggo pirantine budaya. (*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *