Kolonel Sus Yuto: “Kudu duwe rasa isin lan kudu duwe rasa handarbeni.”

oleh -83 Dilihat
Mueum Pusat TNI AU Dirgantara Mandala
Anggota Muspusdirla kudu duweni rasa isin yen lingkungane reged

JogloMataram.Com – Pangarsa Museum Pusat TNI AU Dirgantara Mandala (Muspusdirla), Kolonel Sus Yuto Nugroho dhawuh marang sakabehe anggota museum kasebut kudu duweni rasa isin lan duwe rasa melu handarbeni.

Ngendika marang anggota museum rikala apel pagi ing dina Senen (3/7) ing platarane museum, Kolonel Yuto ngandharake, kanthi jaga karesikanne museum mbuh ing sajabane utawa sajerone museum, bisa nuwuhake rasa seneng kanggo sok sapa wae sing lagi mertamu ing museum.

“Ora mung isin yen jembrung lan reged, nanging uga terus ngupakara sakabehe koleksi museum. Iku wujud anane rumangsa handarbeni,” ngendikane Kolonel Yuto.

PAWARTOS LIYANE: Polda DIY Nampa Gamelan Saka Sri Sultan Hamengku Buwana X

Apa maneh, museum iku nyimpen barang-barang kang duweni crita rikala ngrebut kamardikan lan kanggo nuduhake bela bektine wargane TNI Angkatan Udara kanggo bangsa lan negara.

Ing wulan Juli, TNI Angkatan Udara crita kasunyatan sejarah. Paling ora ana rong kedadeyan, yaiku ing tanggal 29 Juli 1947, para leluhur TNI AU bisa ngebom papan markase Landa ing Semarang, Salatiga lan Ambarawa.

Uga anane prastawa, montor mabur Dakota VT-CLA ditembak montor mabur Kitty Hawk duweke Landa kang njalari sedane Komodor Muda Udara Agustinus Adisutjipto, Komodor Muda Udara Abdulrachman Saleh lan Opsir Muda Udara I Adisumarmo Wiryokusumo.

PAWARTOS LIYANE: Lindhu Gedhe Ngelingake Kedadean Taun 2006

Uga kondur ing kasidan jati  Zainal Arifin, Pilot Alexander Noel Constantine, Co Pilot Squadron Leader Inggris Roy Hazelhurst, Juru Teknik India Bidha Ram lan Nyonya Constantine. Dene sing bisa slamet yakuwi Gani Handonotjokro.

Saka rong prastawa iku, saben tanggal 29 Juli dipengeti dadi dina Hari Bakti TNI AU.

Museum Pusat TNI AU Dirgantara Mandala mapan ing Karangjambe, Banguntapan kompleks Adisutjipto, (*)

Tinggalkan Balasan

Alamat email Anda tidak akan dipublikasikan. Ruas yang wajib ditandai *